Diasabra 28 augustus, teniendo na cuenta e reglanan di COVID-19, un grupo chikito di miembro di Aruba One Happy Island Lions Club tabata tin e honor di bishita cas di cuido pa nos grandinan ‘Cas di Machi’ na Oranjestad.
Un atardi unda a haya chens un rato pa combersa cu varios di e 57 habitantenan di e cas aki, detaye cu naturalmente a toca curason di e bishitantenan. Pa e ocasion aki a hiba un treat pa tur habitante y trahado, snacks traha pa e miembronan mes acompaña cu un bebida. Tambe tur presente a haya un regalito chikito for di e club.
AOHI Lions Club kier gradici gerencia di Cas di Machi cu a duna nan e oportunidad di haci un bishita cortico y conoce su facilidadnan y tambe tur habitante.
Pa esunnan cu kier contribui financieramente na e proyectonan di Aruba One Happy Island Lions Club, por haci esaki riba nan cuenta na Aruba Bank # 6005880190.
