Fundacion Parke Nacional Arikok (FNPA) a lanta un caso contra Aruba Ocean Villa’s pa motibo di construccion sin permiso. Den un conferencia di prensa, Norman Kuiperi, director interino temporario di Fundacion Parke Nacional Arikok (FNPA), a trece aclaracion riba e veredicto ariba e caso aki.
Kuiperi a cuminsa bisa cu Aruba Ocean Villa’s no mag di haci niun tipo di construccion sin ningun tipo di permiso, cual nan no tabata tin. Hues a dicta cu si esaki pasa lo tin un boet di 10 mil florin pa cada infraccion di nan parti.
Ta purba di dialoga pa e proyecto aki bay door, pero esaki no a sosode. P’esey FPNA a tuma e paso di corte, pa nan haya derecho y pone un punto na loke ta pasando eynan. Aruba Ocean Villa’s no tabata tene cuenta cu naturalesa, tabata destrui e mangrovenan. E veredicto ta bisa claramente, cu pa traha nan mester di permiso. Esey ta punto di henter e asunto aki. Parke a bay a base di naturalesa y nan ta contento cu e parti aki.
Pa mas informacion abona riba www.trempan.com
