Diasabra awor, e federacion di pesas, Aruba Amateur Weightligting Association lo clausura nan calendario 2017, unda lo organisa e Aruba Nationals 2017 cuminsando pa 3.30 di atardi den Centro Deportivo Frans Figaroa na Noord.
E Aruba Nationals 2017 ta un di e eventonan mas importante den pesas unda for di Corsow ta bin algun competidor fuerte. Mas cu claro nos miho competidornan di tur categoria lo tey presente. Mirando e taya di e competencia varios club di pesas a confirma nan participacion mientras cu algun scol di Cross Fit y nan atletanan tambe lo ta presente. Lo por competi den e diferente categorianan manera Youth, Junior, Senior y Masters. E federacion di hisamento di peso tur aña tin varios competencia local ta organisa riba e dianan tradicional di fiesta manera Dia di Betico, Himno y Bandera 18 di maart como tambe Dia di Rey y claro e Aruba Nationals 2017 incorpora den e ASU Olimpiade.
Un invitacion cordial ta bay pa tur e amantenan di pesas pa bin mira e ultimo actividad pa loke ta e calendario di weightlifting den 2017. E competencia ta premira di bira grandisimo. Un danki sigur na Lotto, e Loteria di Aruba pa medio di St. Sportsubsidie Aruba cu a subsidia e federacion di A.A.W.A. pa cu e Campeonato Nacional 2016 Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e St. Sportsubsidie Aruba.
