Aruba Marriott Resort ta sumamente contento di por a organisa su prome LGBT Culture Day, cual por cierto tabata e prome den Caribe.
Stacy Banfield, marketing communications manager, a splica cu durante oranan di diaranson mainta tabata tin un sesion pa su asociadonan y den oranan di atardi tabata tin un sesion pa nan clientenan local.
Pa e evento aki a invita e director of Multicultural Affairs di Marriott International, y tambe co presentador local Endy Croes, pa asina duna un sesion special riba locual ta comunica efectivamente entre culturanan, cu enfoke riba e comunidad LGBT.
E iniciativa aki sigur ta alinea cu nan core valuesnan di “We put people first”, como tambe ‘Serving our community”. Aruba Marriott ta kere cu ta sumamente importante pa celebra inclusion y diversidad.
Banfield a sigui splica cu a invita clientenan local pa atende e presentacion aki y sigur a haya un bon acogida. A base di e cantidad di personanan cu a presenta, ta considera pa haci mas sesionnan similar den futuro.