Na Aruba lo tene e conferencianan di e Convention for the Protection and Development of the Marine Environment of the Wider Caribbean (Cartagena Convention), esta e Convenio pa e Proteccion y Desaroyo di e Medio Ambiente di e Region di Gran Caribe (Convenio di Cartagena).
E programa di e Conferencia ta lo siguiente, pendiente algun detaye faltando ainda:
Dialuna 2 october lo tin un recepcion na Seaport Conference Center Foyer pa tur participante registra pa e Conferencianan.
Diamars 3 october lo tuma luga e Special Areas and Wildlife Protocol Conference of Parties (SPAW COP12) den cual lo trata e temanan di proteccion di naturalesa y biodiversidad.
Di importancia pa Aruba lo ta e proposicion pa Parke Marino Aruba keda registra bou e SPAW Protocol y algun proposicion di Reino Hulandes hunto cu Francia pa proteccion di algun especie di tribon y chucho.
Diarason 4 oktober lo tin e Land Based Sources of Polution Protocol Conference of Parties (LBS COP6) cu lo trata e tematica di polucion di lama procedente di fuentenan riba tera, manera entre otro awa (trata) di riool, kimico di agricultura y industria cu ta yega den lama sea via rooi of via tubo pa lama. Tambe ta trata e problema di marine litter, esta sushi solido cu ta caba den lama manera producto di plastic etc.
Diahuebs 5 october lo tuma luga e di 20 Reunion Intergubernamental pa e Convenio di Cartagena cu lo trata temanan organisatorio, financiero y programanan den cuadro di e Convenio di Cartagena.
Fuera di e parti oficial lo tin alabes algun otro evento organisa pa World Wildlife Fund dia 3 october riba e tema di e WWF Global Blue Corridors y dia 4 october lo tene un evento apart den cuadro di e “Monitor Caribbean and Sustainable Innovation Initiatives” organisa pa e SPAW Consortium y Caribbean Wildlife Enforcement Network (CAR-WEN).
Ademas UNEP Caribbean a anuncia cu lo tin un Caribbean Sea Digital Twin Prototype (CSDTp)-Hackathon Annoucement durante e conferencia na Aruba.
SITUACION NA ARUBA
Reino Hulandes a ratifica e Convenio di Cartagena y e Oils Spills Protocol den tur su teritorio desde 16 april 1984 y e SPAW Protocol desde 2 maart 1992, e LBS Protocol ainda falta pa ratifica aunke e a drenta na vigor como instrumento legal na 2010 caba.
· Aruba su lama falta di ley pa regula contaminacion y proteccion di biodiversidad y recurso den un forma adecuado. Esaki pasobra falta pa implementa tratado y falta of tin ley actual deficiente:
· No tin Landsverordening Milieubeheer
· No tin un Landsverordening Maritiem Beheer pa fiha, regla, proteha y monitorea nos zona exclusivo economico riba laman y rikeza mineral den fondo den e area aki. Dia 27 mei 1999 Reino Holandes a ratifica y implementa e Exclusive Economic Zone di Reino Hulandes mediante e Rijkswet instelling exclusieve economische zone den cumplimento di exigencia di United Nations Convention on the Law of the Sea pa tal. Tur otro isla den Caribe Hulandes, incluso St.Maarten y Curacao a institui nan zona exclusivo economico y tin un Ley di Maneho Maritimo. Aruba no tin nada regla.
· Convenio pa Diversidad Biologico falta protocol pa implementa
· Basel Convention on the Control of Transboundary Movements of Hazardous Wastes and their Disposal NO ta implementa
· Convenio di Cartagena ainda falta pa implementa e importante LBS Protocol, cual ta regula polucion likido y solido cu ta yega laman di actividad riba tera.
· Parke Marino Aruba no ta cubri costa completo y awanan teritorial. Tiramento di pisca cu speargun den forma controla, ta constitui desvia den forma di uitzondering di articulo 9 di e Ordenanza Nacional pa Proteccion di Naturaleza y ta viola Tratado pa proteccion y desaroyo di e medio ambiente marino di e area regional di Caribe (Convenio di Cartagena) y su SPAW Protocol concerniendo Areanan Proteha Especial y Bida Salvaje.
Rainbow Warriors Core Foundation ta participa den e reunionnan aki como Observer NGO y como tal lo duna relato y of resumen di e contenido di e reunionnan pa pueblo di Aruba.
Pa mas informacion: Milton Ponson, presidente Stichting Rainbow Warriors Core, 7478280
