Aki dos siman, esta dia 21 di maart, Crisis Management Office (CMO) hunto cu meteo ta tene un ehercicio di Caribe Wave 24. Tur aña ta tene e training aki pa mira cu tur cos ta bon en caso di tsunami, pero tambe si mester haci algun ahuste.
Lothar Irausquin, Meteo Aruba, a splica cu cada aña ta tene e ehercicio aki di cual prome motibo ta pa sa si tur hende ta haya e mensahe di tsunami. Ta test si tur canal ta habri pa ricibi e informacionnan di tsunami. E di dos motibo ta pa tur stakeholder nan draaiboek ta bay manera mester ta of si mester haci cambio den e procedura standard.
E handbook di ehercicio por ta haya riba caribewave.org y aki ta haya splicacion di tur cos cu tin di haber cu e ehercicio. Irausquin a sigui indica cu aki ta haya sa ki ora e temblor a sosode, ki ora e ola ta yega Aruba. Asina ey e stakeholders por haci evacuacion pa tur hende ta safe.
![](https://24ora.com/wp-content/uploads/2024/03/CK8A8603-1-1920x1280.jpg)
E aña aki tin dos scenario cual ta Puerto Rico y Panama. Nan a scoge pa esun di Panama ya cu esey ta mas significante door cu e olanan ta mas halto y ta yega Aruba compara cu esun di Puerto Rico. E scenario di Panama ta stipula cu ta bin un temblor di magnitud 8.5 Richter dia 21 di maart pa 11:00 ora local. E olanan lo ta entre un y tres meter di halto. Na momento cu e ta asina, e criteria ta cu tur hende mester evacua beach.
Rino Hermans, director di Crisis Management Office (CMO), a indica pa nan e scenario cu UNESCO a determina ta esun di mas importante, ta e risico di mas grandi. Esaki ta debi cu tin Panama, Jamaica y Puerto Rico Trench (canal profundo) ta esun cu lo afecta Aruba.
![](https://24ora.com/wp-content/uploads/2024/03/Bra2.png)
Den e scenario, si Aruba no haci nada cu esaki, ta significa cu tin un perdida di bida di mas o menos 40.000. Tambe ta predetermina cu 37% di economia lo haya impacto directo. Esaki ta basa riba modelo, pero nan no a hiba den consideracion cu e tsunami di Panama lo destrosa henter area di hotel, hospital y e cadena di cuminda. Pasobra tur deposito di cuminda na Aruba ta den e area cu lo ta afecta cual ta tres meter.
![](https://24ora.com/wp-content/uploads/2024/03/bra5.png)
![](https://24ora.com/wp-content/uploads/2024/03/BRA.png)
Pa mas lesa TREMPAN.COM.