Ministerio di Husticia y Asuntonan Social a organisa un sesion informativo pa stakeholders di sector publico y sector priva riba “family mediation”. Esaki den cuadro di e “plan di mayor”. E sesion aki ta organisa pa Michella Steenvoorde- Laclé, beleidsmedewerker di Ministerio y presidente di Cie. Voortgezet Ouderschap/ Plan di Mayor.
Barbara Abdoelkariem; hurista y experto riba e materia, a duna un splicacion amplio di e proyecto aki. Un total di 56 profesional a atende e workshop, cu ta parti den dos sesion; un grupo di profesional den area preventivo y finalmente e grupo di profesionalnan den area curativo.
Pronto lo bay cuminsa cu e curso pa di e forma ey introduci 12 mediado specialisa riba e area di famia, pa yuda y guia famianan cu ta pasa den problema. Asina ta alivia problema social, cu por surgi si e caso no haya atencion, pero alabes ta alivia e peso di trabou pa Corte di Husticia y Directie Voogdijraad.
