Aruba Lions Club manera tur hende conoce, ta un Club di Servicio cu ya pa 70 aña ta trahando pa esnan mas necesidad den nos comunidad.Diariamente Aruba Lions Club ta duna donacionnan den diferente forma na nos comunidad Arubano.
Pa crea fondonan necesario pa sigi cu e trabow noble aki, Aruba Lions Club ta organizando un tremendo Bingo 23 di juni proximo, na Club Caiquetio.
Ta cuminsa registra for di 5.30 atardi y pa 7’or lo start cu e Bingo mes. Durante e Bingo lo tin diferente Rifanan y tambe doorprise. Ta bai tin un bar y cushina bon surti, pa tur presente.
Lugar nan di pre-benta pa e ticket lo ta na tur Wema y Pomp nan di Gasoline como tambe serca tur Miembro nan di Aruba Lions Club y costo ta unicamente Afl. 10.00 pa ticket.
Aruba Lions Club ta conta ariba sosten manera semper di henter comunidad di Aruba y tur fondo recauda lo bai bek den nos comunidad.
