Aruba Heart Foundation por mira atras na nos prome “5 KM Beach Boardwalk” hopi exitoso, cu a tuma luga diasabra 24 di september 2022.
Asina nos a recorda cu september internacionalmente ta luna di curason.
E grupo di participante a sali yen di animo di e beach area banda di Costa Linda te Embassy Suites y a regresa final.
Pa solamente 10 florin tur a pasa registra y haya nan “pedometer” pa registra nan distancia of caloria.
Na final, fuera di apel cu patia pa tur participante, tabatin tambe hopi premio y tur hende a bai cas masha contento. Un biaha mas nos kier gradici na tur cu a participa na e caminata aki.
Esaki ta locual ta duna e directiva mas animo pa sigui traha pa Aruba Heart Foundation.
