Diabierna merdia e delegacion di Aruba di Aruba Artistic Swimming a yega bek nos isla carga cu medaya.
Ta despues di a participa den e Weganan di Centro Americano y Del Caribe San Salvador na El Salvador. Cora Mora ta coach di e delegacion, durante un entrevista cu 24ora.com el a conta cu e ta sumamente satisfecho cu e resultado di e delegacion. A participa den diferente categoria, entre otro den duet, liber y solo free.
Un competencia asina ta importante pa e delegacion, mirando cu pronto lo tin un Weganan Centro Americano y panamericano y ta importante pa gana punto pa clasificacion. E delegacion a consisti di nuebe persona, tanto atlete como coach y asistente. E preparacion tabata hopi pero por mira bon resultado pa Aruba.
A bin cu medaya di brons, plata y oro. Por mira sigur riba seis luna di preparacion. Tabata dos luna pasa cu ya nan tabata na Colombia pa gana mas experencia. Lo sigui train pa den e luna di october y november lo tin e evento importante pa e deporte aki. Na final e obhetivo ta pa representa e pais miho cu ta posibel.
