Diadomingo cu a pasa tabata Dia Mundial di Teatro. Tabatin un evento den Cas di Cultura, unda cu a observa e dia aki, hunto cu e demas ‘thespiansnan’ di Aruba.
John Freddy Montoya, lider di proyecto na Departamento di Cultura Aruba, ta un di nan cu sigur a destaca durante e añanan cu e tin ta bibando na Aruba y a participa y dirigi varios obra teatral.
E ta conta cu nan tabatin e celebracion aki, cual ta un dia declara pa UNESCO, celebra rond mundo. Rond di e actividad aki tin un mensahe mundial, cu un artista di taya internacional ta elabora y a traducie na Papiamento y a presente.
Ta un iniciativa cu Aruba a cuminsa cu ne fo’i 2005, marcando esaki 17 aña cu ta brinda e plataforma aki pa tur actor, escritor, amante di teatro, por profila nan mes den e area aki.
Tambe a brinda un premio nacional di teatro, cual e aña aki tabata na honor di Persey Jeand’or. Pronto lo publica un lista di tur e ganadonan di e premio aki durante di e 17 añanan cu a pasa, gradiciendo e masterclass di teatro cu Fundacion Arte Pro Arte (FARPA), hunto cu Cas di Cultura, Departamento di Cultura y UNESCO, a facilita n’e maestro y directornan di teatro cu presencia di un maestra di China, pa ofrece un bunita oportunidad di comparti experiencia cu nos artistanan local.
Pa mayor cobertura lesa TREMPAN.
