Artistanan di mundo farandulero a tene un conferencia di prensa despues di a reuni cu Crisis Management Team riba nan preocupacionnan pa tur esnan cu ta traha den mundo di entretenimento di no tin entrada. Pa shete luna nan no por eherce nan trabou.
E situacion ta bira dificil y hopi di nan ta biba 100% riba loke ta musica, bailamento, como profesion. Segun Ofo Escudero, e reunionnan a bay den bon ambiente pasobra tanto Minister di Labor y Rampen bestrijding a compronde. Ta bay bin otro reunionnan y lo traha riba e protocolnan. Pocopoco nan por cuminsa eherce nan profesion.
Ta bay parti den entretenimento e musica soft cu musica mas di evento. Otro siman nan lo reuni un biaha mas cu crisis team, pa pone protocol y pocopoco nan por cuminsa eherce e trabou despues di casi shete luna. Algun di nan ta traha, pero no manera e tabata. Despues di a reuni cu e Crisis Management Team, nan ta sinti cu cosnan ta florece asina bin cu e protocolnan.
Si bo ta un artista LEGAL di Aruba y kier pertenece na AE2020, bay riba nos facebook group of Facbook page pa mas informacion.
Facebook Group link
bit.ly/AE2020Group
Facebook Page link:
bit.ly/AE2020Page
