Artista internacional Arico conoci tambe como e Astronauta telepatico biahero cu ta traslada descubrimentonan entre soñonan den realidad, a traves di pinturanan, escultura y instalacion nan inmersivo. E enfasis di su obranan ta pa crea reflexionnan di fuentenan organico fuera di tempo y realidad manera nos ta custumbra di dje.
ONEIROS ta consisti di tres tipo di experiencia: Pinturanan cual ta reflexion di e panoramanan di memoria entre visionnan y soñonan, esculturanan representando flora celestial, y un toren inmersivo cu ta diseña pa hiba e publico bishitante a traves di un experiencia multi-sensorial. For di e deseo pa trece e comunidad mas cerca di arte, ONEIROS ta emiti un sensacion di un union sagrado produci pa elementonan di naturalesa mes. E forsa y calidad indispensabel di naturalesa cu constantemente ta keda renoba su mes, guiando e creacion y permitiendo su persona pa conbibi e vision amplio aki cu mundo henter. Inclusion di e mundo di soñonan ta cu e intencion pa ta e catalisis di bienestar, como si fuera ta un redescubrimento di e memorianan infantil reenforsando un sensacion inigualabel. Creando pues avenidanan di reflexion profundo pa cu nos nificacion di nos bida riba e mundo aki.
Durante e creacion di su segundo mural na Aruba, a nace e coleccion nobo Spelunca, unda cu e ta manifesta su experiencianan cu e isla ariba canvas, specificamente expresando e sensacion mahestral cu el a sinti durante su bishita na e cueba di Guadirikiri. E energia magico y mistico cu e cuebanan ta emiti, expresa a traves di su perspectiva y toque cosmico. Nabegando entre diferente profundidad di blauw, berde oro. E prome pintura di e serie aki ta residenciando riba e isla y ta en espera pa asina por complimenta y embeyece bo coleccion.
E instalacion di ONEIROS recientemente a ser exhibi como obra satelital na e conocido Art Basel Miami 2022 y actualmente e ta biba na Montreal Canada. Cu su reisnan expandiendo awo na Aruba, expandiendo su horizonte y fuente di inspiracion. Creando conscientisacion di nos naturalesa y su beyesa mas ainda e importancia di su proteccion, preservacion y regeneracion.
Pa mas informacion encuanto e artista of “Spelunca Uno” por bishita: https://aricote.com/collections/oneiros/products/oneiros-spelunca-i of por yama libremente na +12975631988
