Xiomara Maduro y Evelyn Wever-Croes a haci un daño hopi grandi n’e credibilidad di politica y gana di hende pa ta den politica, mr. drs. Arthur Dowers, miembro di fraccion di AVP a indica durante un entrevista den Noticiero Enfoke.
El a sigui comenta cu ainda por corda Nel Oduber cu tabata bringa hopi cu tur hende. Aunke semper e tabatin un decensia y respet unda cu por bringa cu ne den parlamento y despues por sali toch y duna otro un man, pasobra ta keda hende.
E dos señoranan aki ta demonisa hende. Nan ta hasta pidi pa mata hende den campaña. Esey ta algo cu ta un ‘dieptepunt’ den politica. Ta spera cu e degeneracion aki den politica, bay den un direccion caminda cu por debati pisa cu otro riba contenido, pero cu no tin mester di lastra un hende su famia, calumnia contra hende, siendo cu “abo mes ta un di e autornan mas grandi di echamento di baina, haci malo n’e pueblo den historia di nos politica,” Dowers a indica.
