MEP ta tacha nomber di institucion serio awor aki, manera un Banco Central, un MOT, un Ministerio Publico cu tin departamento cu tin di contribui como tambe e Cuerponan di siguridad. Hopi di e institucionnan aki ta bao di un presion pa loke ta nan credibilidad, segun parlamentario di fraccion AVP, Arthur Dowers referiendo n’e rapport di FATF, durante un rueda di prensa diahuebs.
E ta sigui bisa cu awo ta sali bisa publicamente cu ta pasobra tin investigacion a score abao asina. Lamentablemente ta rib’e pais aki ningun hende ta tribi, di tur e institucionnan aki, no ta sali para nan.
Si un minister riba un otro pais haci loke ta pasa na Aruba, e institucionnan independiente no lo acepta pa tipo di mentira asina ki circula y sin cu e ta contradeci.
Asina ey ta keda tur dia di nobo sali y coregi e mentira di e gobierno aki. Si no e pais aki ta bay den un direccion caminda cu ningun hende no lo kere mas den e institucionnan. Ken lo confia ora un proces-verbaal ta traha. Si e gobernantenan ta un set di gañado.
Esey ta caminda ta yegando aworaki, segun Dowers. Un caminda cu si no par’e, ta un caminda scur pa integridad di e pais aki y cu hopi hende lo cuminsa duda si berdad por confia den e sistema ainda aki.
Pa mas cobertura lesa TREMPAN.