Diadomingo polis a presenta cu hopi urgencia pa un accidente cu pelea na San Nicolas. Esaki a pasa den careda di 8:45 pm.
Na yegada di e agentenan, a splica nan cu un auto a dal contra e BYD blanco. Ambos partido a para band’i caminda pa atende cu e accidente aki. Chauffeur di e auto cu a dal contra e BYD, a hay’e den un discusion cu un persona para band’i caminda. Durante e discusion, e persona para band’i caminda a saca un arma y tur hende ey banda a core sconde.
E chauffeur a subi su auto y bandona sitio. Polis a tuma tur informacion di loke a pasa, pero no a detene ningun hende pasobra e persona cu arma a bandona sitio.
