Diferente unidad di polis a drenta den accion na momento cu a indica cu a scucha tiro den e cayanan di Madiki Kavel. Cu urgencia a cuminsa un buskeda den e area pero no a encontra cu nada.
Esaki a tuma luga den careda di 6:30 pm, ora cu por lo menos tres patruya a sondea e area. Ciudadano a indica cu el a scucha zonido di un arma automatico biniendo di noord, den direccion di e Misa Maranatha den Madiki Kavel.
Despues di core den ful e area, polisnan a continua mirando cu no a haya nada. Di otro banda un otro persona lo a indica di a scucha un auto pasa ref eybanda cu lo por a zona manera tiro y cual por a laga nan bati alarma.
