Recientemente e autor Arlene Marie Wever a lansa su buki nobo ‘Flashes of Blessedness’, cu ta un relato cristian inspirado y unico, yena di suspenso y di descubrimento di e amor di Dios.
E buki, publica pa e cas editorial Christian Faith Publishing, ta un relato agradabel di madurez cu un toke di fe.
E ta un storia atractivo di crecemento spiritual. ‘Flashes of Blessedness’ ta creacion di e autor Arlene Marie Wever, naci na Aruba cu a descubri su amor pa e observacion psicologico mientras cu el a asisti e Universidad di Tulsa.
“Ariette, e protagonista di e novela, ta un mucha muhe Mericano cu ta crece riba un encantador isla Caribeño,” Wever ta splica. E mayornan di Ariette ta ciudadano ehemplar; sinembargo, lamentablemente religion no ta forma parti di nan bida. Ariette ta skeptico riba e existencia di Dios.
“Bida riba e isla ta bon rond di e cambio di e milenio. Ariette tin un bida yena di aventura y fiesta, pero tambe a biba momento di tristesa.
“Tempo cu Ariette a gradua den un instituto di e isla, el a bay studia na un universidad hopi competitivo den e region den e parti zuidwest di Merca. E universidad cu el a scoge ta resulta di ta e luga perfecto cu cual semper el a soña. Sinembargo, durante su estudio, e ta tuma decisionnan kiboca y ta hay’e obliga pa bandona e universidad.
“Riba un dia sin sospecha, Señor ta toca bida di Ariette di e manera di mas sorprendente. E novela di suspenso ‘Flashes of Blessedness’ ta yena di testimonio inspirado cu realmente a sosode cu e autor of na un famia cerca. E novela ta ficticio, pero e epifania cu ta aparece den bold den un novela cu a sosode di berdad. E obhetivo di e autor ta pa mustra e alegria di cristianismo na hoben y adulto. E novela cristian apasionante ta un elemento crucial pa e formacion exitoso di e adolescentenan.”
Publica pa Christian Faith Publishing, e buki nobo aki di Wever ta un storia creativo riba e descubrimento di e gracia di Dios.
Wever ta mustra un ficcion emocionante cu un mescla di experiencia di bida personal den e ficcion absorbente aki pa e adultonan hoben.
Por mira e sinopsis di ‘Flashes of Blessedness’ riba YouTube.
Amante di bon lectura por cumpra ‘Flashes of Blessedness’ den e librerianan tradicional of online riba amazon.com, Apple iTunes Store of Barnes and Noble.
Pa mas informacion of consulta riba ‘Flashes of Blessedness’, por tuma contacto cu e departamento di medio di Christian Faith Publishing yamando telefon 866-554-0919.
