Recientemente a funda e organisacion AREA, cu ta para pa Aruba Re-Imagined Area, cu tin e meta pa trece mas bida den e centro comercial di Oranjestad y San Nicolas. A apunta Eugène Wilson como “Project Manager” di AREA. El a splica cu AREA ta traha pa logra un caya grandi mas innovativo.
Pa logra esaki nan a reuni cu grupo di personanan envolvi y un di e prome retonan cu nan ta bay traha riba dje ta e problema di parkeerplaats. “Nos ta trahando duro riba esaki pa yega na un miho forma pa un y tur”.
AREA a topa cu varios comerciante pa asina trece bida ben den Caya Grandi
AREA a topa cu varios comerciante pa asina trece bida ben den Caya Grandi
Posted by 24ora on Tuesday, June 4, 2019
E di dos aspecto cu ta bay traha riba dje ta pa acerca doño di e diferente edificionan, convence nan pa haci e renobacionnan necesario, ya cu esaki tambe lo yuda pa crea un fluho mas grandi den caya principal, hunto cu establecimento di negoshinan di F&B nobo. “Ya caba tin hopi studiante bibando den centro cu ta crea cierto movecion,” el a splica.
Tin un “Meet and greet” pa San Nicolas, cual lo wordo organisa hunto cu IDEA di Departamento di Asuntonan Economico. E lo ta un tipo di feria unda cu entrepreneurs ta haya e chens pa ricibi tur informacion necesario, den e feria, riba con pa lanta un negoshi.
AREA su cede ta ubica den dr. Edward Cheung Building riba Sasakiweg.
