Un evento emocionante a tuma luga dia 14 di maart na Cas di Cultura Aruba, e unico teatro den Caribe Hulandes, opera pa CEDE ARUBA cu sosten di Oranje Fonds. Un ceremonia agradabel cu hopi invitado y organisacionnan social.
E invitadonan honorabel tabata e clientenan cu necesidad special for di varios organisacion no-gubernamental. E programa a cuminsa cu un concierto di e banda Blue Mermans cu algun bon cancion pa canta y baila hunto.
Despues di e banda, coordinador di ARUBA DOET Paulien ter Meulen a duna un caluroso discurso di introduccion. Paulien a menciona cu durante di e fin di siman aki, ARUBA DOET tin 172 proyecto registra cu participacion di mas cu 3.700 boluntario. Tin ainda algun proyecto riba diasabra venidero cu ta busca boluntario. Pa aplica, por bishita www.arubadoet.com.
E boluntario special e anochi aki tawata Ataniro! El a entretene e multitud cu algun di su cancionnan clasico y a baila hunto cu e invitadonan dilanti di e podium. E anochi a caba cu un festival di karaoke, unda hopi cliente cu necesidadnan special a subi riba e scenario y canta nan cancion preferi.
CEDE ARUBA y Oranje Fonds kier gradici tur hende pa nan presencia y ta desea tur organisacion participante y nan boluntario un bon weekend cu ARUBA DOET.
TOCANTE ARUBA DOET
ARUBA DOET ta un evento di boluntario na Aruba organisa pa CEDE ARUBA cu sosten di Oranje Fonds. Durante e fin di siman di ARUBA DOET, comunidad ta uni forsa pa realisa varios proyecto pa mehora nos isla y fortalece nos comunidad.
