Durante e conmemoracion di e di 81 aniversario di Guardia Nacional Bolivariana (GNB), encabesa pa Presidente Nicolas Maduro Moros, a registra un explosion cu a pone tur e militarnan na careda.
Den cadena nacional di radio y television, a observa e momento caminda cu e Hefe di Estado, e prome dama, Cilia Flores, ta reacciona na e explosion y despues ta aparece imagennan di tur militar den formacion cu tabata core pa e hecho iregular.
A corta e transmision abruptamente, despues cu un centenar di militar den completo formacion a kibra e protocol pa e explosion.
Parce cu un drone carga cu C4 a detona cerca di e balcon presidencial. Pa motibo di e hecho varios cadete di GNB a resulta herida, mientras cu e Presidente Maduro a sali ileso.
