Durante un conferencia di prensa na APA, director Jossy Figaroa a anuncia cu nan lo ta preparando pa haci mantencion den e canalnan den waf na Playa. E material cu nan lo saca por wordo reuza pa haci otro cos cun’e.

Mirando cu pa Barcadera ta hayando hopi peticion di barconan pa bin establece nan mes na Aruba, nan kier un pida tereno mas pa toch bin Aruba. Segun Figaroa, hopi di e companianan cu ta acerca APA, ta companianan cu ta pensa cu aki poco tempo, Venezuela lo bay tin un desaroyo nobo y ta prepara nan mes pa e desaroyo aki y ya nan ta na Aruba.

Na Barcadera, e ta suficiente pa por handle tur e barconan cu ta trece container, ta trece material, piedra, santo, gas, tur eseynan. Pero no tin suficiente espacio pa laga barconan acerca bin drumi un tres luna. E ora e ta blokia e trabao di e otro barconan. E momento ey, cu e peticion a drenta y APA ta cu e material, a bisa kisas por bay haci algo na Barcadera, banda di e terminal cu tin eynan, na unda cu ta bay traha un pida cu e material extra cu tin. Ora cu pensa esey, tin cu bay cana un caminda basta largo. Tin di bay wak ta kico ta posibel y kico no ta posibel y kico ta e consecuencia cu por tin. Tabata tin diferente combersacion cu e stakeholdernan y den e caso aki, esnan mas importante cu tabata tin combersacion cu nan, fuera di e mesun hendenan di APA y Directie Scheepvaart, tambe cu DIP, DOW y tambe Departamento di Naturalesa y Medio Ambiente, pa wak kico por haci y no por haci. Dado momento a cana e caminda y a haya un aprobacion di Gobierno cu APA por bay door cu e proyecto di landaanwining, basta cu tene cuenta cu condicionnan. Un di e condicionnan ta, cu ora bay eynan, e awa no mester bira troebel, no mag di uza material cu ta toxico, pero tambe nan a pidi pa laga traha un rapport MER, unda cu ta mira e impacto di e trabaonan cu lo bay haci riba e medio ambiente.

Tambe nan a pidi pa informa pueblo, cu na momento cu cuminsa cu e proyecto, pa pueblo sa cu e proyecto ey lo bay start. A laga haci tur e trabaonan y a traha un trabao pa midi e impacto riba e medio ambiente. Locual nan a bisa cu si tuma cierto medidanan, e impacto riba medio ambiente lo ta sigur riba e coralnan cu tin patras di e rif. No lo bay tin efecto riba e trabaonan cu ta haci. Locual cu a bisa si, cu eynan tin un cierto yerba cu ta proteha, cual ta Talasium y un parti ta bay wordo tapa riba unda cu ta bay pone e tera y a pidi pa pidi gobierno pa un ontheffing chikito. Como cu e ta proteha, no por djis haci manera nada no pasa y a pidi gobierno.

Locual tambe si ta importante, ta cu tin algun calco eybanda, cu tin diferente nomber y nan a bisa cu mas banda pariba tin hopi di e calconan. Na unda cu ta bay traha, no tin mucho, pero ta bon toch pa tene cuenta cun’e. Lo bay haci e siman aki ainda, pa hala un poco pa no tapa nan tur. Mira con ta organis’e. Esey ta pa mira cu nos hendenan na Aruba cu ora bay asina leu, pa un trabao manera esaki, tin cu wak kico ta e dañonan cu lo bay haci.

Na prome instante lo yega hopi cerca di e mangelnan. A cambia e plan unda cu ta bay yena e tera, unda cu e posibel daño cu lo wordo haci na mangel, ta practicamente nihil. Durante di e trabao cu ta bay haci, lo bay wak pa esey tampoco no lo bay sosode.

APA tambe ta purba na un manera pa ;haci trabaonan cu ta mas riba un tereno duradero y kier pa e proyecto cu ta bay haci, no tin ningun impacto negativo of si tin algo mes, pa e ta minimalisa.

E trabao, a wordo otorga na un compania Hulandes. E barco a sali caba. E ta riba caminda y lo yega Aruba diasabra awo. Pa comienso di otro siman, ya lo bay cuminsa cu e trabaonan y APA mes lo bay percura si, cu den e canal, ora cu nan ta traha, no lo bay tin ningun strobamento y cu e ta bay tuma luga na un manera bon, cu ora cu barco ta drenta, nan ta stop di haci nan trabao y cu hendenan di kuststation, lo guia tur loke tin cu sosode. Naturalmente havenmeester ta na altura di esaki, pa nan coopera pa nada no bay robes.

Trabaonan

Pa e parti na Barcadera, tin bon contacto cu ASTEC y tambe Douane, pa ora e trabao tuma luga. Mester a haci cierto trabaonan pa prepara e tereno, pasobra e lo bay ta cerca unda ASTEC ta opera awor aki, pa keda cumpli cu tur ley cu tin y pa no bay wordo tilda cu ta haci cu ta pone ken cu ta por subi riba e luga y no ta cumpli cu e reglanan di ISPS. Ta tene bon cuenta cu tur e reglanan cu tin.

Cobamento

Lo bay cuminsa na e luga unda cu ta kere cu tin e miho material. A laga haci un investigacion di e tera cu tin eybao, y tur caminda e ta mustra bon. Tin dos parti chikito unda cu a haya caminda cu tin un PCB Waarde, cu ta algo negativo. Tin dos caminda cu ta bisa cu e tera aki, si bay cob’e, e no ta hopi bon. A papia cu Departamento di Naturalesa y Medio Ambiente y a puntra si no ta miho kisas bent’e hopi mas leu den lama. A bisa cu kisas ta miho no haci’e toch, pasobra si ta algo cu ta toxico, cu bo ta bay laga pisca com’e y no sa ki efecto lo por tin. E ora ey a palabra cu lo uza esey. Si sak’e, ta midi’e, ta hib’e si Barcadera, pero e lo bay ta abao di loke tin. Lo tap’e cu otro tera cu si ta limpi y cu e lo ta den dje.

A haci full e survey pa haya sa precies con hundo tur caminda ta, pero tambe pa wak e calidad, cu ta relativamente bon. Lamentablemente no suficiente bon cu por uz’e pa drecha beachnan cu tin na Aruba.

E tereno na Barcadera tin un tereno di gobierno cu ta wordo maneha pa DOW cu santo blanco. Ohala cu e santo tabata suficiente bon cu por a pon’e eynan tambe y sigui uz’e pa drecha nos beachnan si ta necesario. Pero esey no ta e caso.