E Campeonato di Aruba Little League (ALL) dedica na Sr. Braulio Wester q.e.p.d ta casi tras di lomba. E prome weganan a cuminsa dia 13 di januari cu e categorianan di 13-14 aña (Junior) y 15-16 aña (Senior).
E campeonato a wordo hunga “landelijk” y awor lo tin pa prome biaha un playoff “landelijk”.
Standings di Junior ta lo siguiente:
- Stars (ACLL)
- Quality Chiropractic Grasshoppers (ACLL)
- Hammersharks Tires4Less (ANLL)
- Blue Marlins Taco Bell (ANLL)
E prome wega di Junior lo inicia diabierna 20 di april pa 5:45pm na Nadi Croes/Crismo Angela entre e ekiponan di Stars vs. Blue Marlins Taco Bell. Despues lo sigui e wega entre Quality Chiropractic Grasshoppers vs. Hammersharks Tires4Less pa 8:00pm.
Diasabra 21 April
Centro di Bario Noord 10:30am Blue Marlins Taco Bell vs. Stars
Centro di Bario Noord 1:00pm Hammersharks Tires4Less vs. QCC Grasshoppers
Diadomingo 22 April
Joe Laveist 10:00am Stars vs. Blue Marlins Taco Bell
Joe Laveist 12:30pm QCC Grasshoppers vs. Hammersharks Tires4Less
Campeonato Latino Americano Junior lo ta na Aruba di 6 pa 15 di juli 2018.
Standings di Senior ta lo siguiente:
- Rockets (ACLL)
- CBN Divi Impact (ANLL)
- Stars (ACLL)
- Blue Marlins Gatorade (ANLL)
E prome wega di Senior tambe lo inicia diabierna 20 di april pa 5:45pm na Joe Laveist entre e ekiponan di Rockets vs. Blue Marlins Gatorade. Despues lo sigui e wega entre CBN Divi Impact vs. Stars pa 8:00pm.
Diasabra 21 April
Joe Laveist 10:30am Blue Marlins Gatorade vs. Rockets
Joe Laveist 1:00pm Stars vs. CBN Divi Impact
Diadomingo 22 April
Nadi Croes/Crismo Angela 10:00am Rockets vs. Blue Marlins Gatorade
Nadi Croes/Crismo Angela 12:30pm CBN Divi Impact vs. Stars
“Tur tres liga a sera cabes y bini hunto pa asina fortifica e teamnan den cada categoria, dunando nan e oportunidad pa midi forsa ariba nivel nacional enbez di p.e. hunga 12 wega contra e mesun team. Nos ta contento cu e cooperacion cu a ricibi di tur voluntario cu ta dedica nan tempo na hasi e weganan posibel tur weekend.” Sr. Melvin Quilotte presidente di ANLL ta subraya.
Den e categoria di minor y mayor a hunga un Campeonato landelijk, pero playoff lo ta dentro di liga. Den e categorianan aki a mira hopi cambionan positivo cu e sistema digital di score wega. A score tur wega di ANLL usando e programa iScore. Asina na final di e Campeonato por a comparti e estadisticanan di tur hungador. E methodo aki sigur ta trese mas transparencia den e proceso di traha un seleccion.
Aruba (North) Little League kier a invita e pueblo di Aruba pa bin apoya nos hobennan cu ta trahando pa e honor di representa Aruba den e region.
Minor: La Romana, Republica Dominicana (27 juli – 5 augustus)
Mayor: Sabana Grande, Puerto Rico (13 – 21 juli)
Junior: Oranjestad, Aruba (6 -15 juli)
Senior: Willemstad, Curacao (29 juni – 8 juli)
