Diahuebs ultimo Anabella Fernandez y Kianna Krosendijk a participa den e 2022 Pan American Cadet & Junior Championships na Costa Rica. Anabella Fernandez a logra gana su prome medaya di brons pa Aruba na Costa Rica. Kianna Krosendijk no a logra su obhetivo den e 2022 Pan American Cadet and Junior Championships y ta prepara hunto cu Anabella Fernandez pa diasabra pa Pan Am Series II den e division di Cadet. ARTBO ta felicita Anabella Fernandez cu su logro y ta desea nan exito pa diasabra.
Monica Pimentel, nos atleta olimpico y awo coach, a participa den e Technical Meeting di e Pan Am Series II cu ta cuminsa diasabra pa Cadet y Junior y diadomingo pa adulto.
Presidente di PATU, Juan Manuel López Delgado, a habri e reunion gradiciendo tur pais pa nan participacion den e Pan Am Series II. Director tecnico, Chuong Pham, a splica tur hende presente e reglanan cu lo aplica den e Pan Am Series II.
