Parlamento tambe ta funciona di un forma diferente debi na presencia di coronavirus aki na Aruba. Den combersacion cu Presidente di Parlamento Ady Thijsen.
Na e momentonan aki, Thijsen a bisa, e no por haci nada otro. E situacion ta dificil cu mester tene cuenta cu medidanan di siguridad y higiena, y Protocolnan estableci door di Departamento di Salud Publico.
E reunionnan mes ta tumando luga awo teniendo cuenta cu e reglanan y salud ta bini na prome luga. Griffier ta trahando riba e miho forma pa realisa e ceremonia di apertura.
Lamentablemente te ainda no por permiti prensa ni publico ainda den sala. “Mi no kier e luga ainda, pasobra mester tene cuenta cu tur hende cu ta traha eyden. Ora cu cos drecha nos lo cambie, publico tin derecho pa t’ey. Pero no por hacie awo, mester tene cuenta cu diferente aspecto,” Thijsen a bisa.
Ainda ta evaluando si por lo menos prensa por ta presenta pa graba e encuentronan.
E aña’ki tabata uno hopi pisa, el a bisa. “Tur parti mundo ta pasando den momentonan dificil. Nos a haya nos ta tuma decisionnan hopi dificil, cu ta afecta comunidad pero pa nan siguridad mester tuma cierto decision. E condicionnan di Hulanda inhustamente ta poniendo Aruba bou di presion, cu ta exigi pa pensa hopi kico ta bay pasa.”
