Algo pasa di 9or diasabra mainta, e muher doño di e auto Ford Edge na San Miguel a bay na su auto pa bay sali. El a nota cu su dos tirenan tabata bora y e windshield tabata kibra. Mesora a meld na polis di e susedido. Patruya di Noord a presenta na e cas na San Miguel pa tuma datos. E homber B.C. tabata menaza su ex for di basta tempo caba y den oranan di madruga el a haci e gracia aki di bora e dos tirenan y kibra windshield di e Ford Edge. E tabata para dilanti di e cas, Polis a papia cu e doño di e auto, y despues polis a bay na e cas di e destructor cu ta biba dos minuut leu for di unda el a haci daño na e auto. Polis a papia cu e homber y a splike den ki problema e por haya su mes aden. El a admiti y a bisa of yega na un areglo pa drecha e daño cu el a haci na e auto. No tabata tin motibo pa detencion. Awor e ta keda cu un record riba su nomber pa destruccion pa motibo di un amor cu a termina pero e no kier acepta.
