Mama di por lo menos un alumno den 4de HAVO na Colegio San Nicolas a kibra silencio ayera, acusando e scol di a viola e derecho universal di su yiu pa haya un bon educacion. Esaki door di no tin un docente di fisica (natuurkunde) pa casi 4 luna caba, pa no ta cla cu e prome rapport di e aña escolar andando y riba dje, pa ta laat cu calendario (rooster) di e scol.
E mama preocupa a manda carta pa directiva di scol, pa Dienst Publieke Scholen, pa Inspecteur di enseñansa, pa Minister di Enseñansa y hasta pa Parlamento di Aruba. Masha poco reaccion el a haya bek, indicando cu no tin atencion pa alumnonan di Colegio San Nicolas ni tampoco pa enseñansa riba nos isla.
Asina mes el a haya un carta di directiva di e scol e siman aki, den cual ta priminti di regla e problemanan awor, despues di lunanan cu tin un mal maneho structura na e scol. E mayor, cu tambe ta un docente, ta puntra su mes con e scol tin pensa di “haal in” e lunanan perdi di les cu no a duna na e alumnonan. E ta cuestiona con scol a drumi tur e lunanan riba e problemanan sin haci nada. Ta cuestiona si e docentenan tin e alumnonan central of ken?
Pa mas informacion y detaye riba e keho publico aki, lesa bo corant digital TREMPAN awe.
