Diasabra, algo pasa di 2:15 di marduga, polis di Noord ta bay na altura di Eagle Bowling, unda cu un auto lo a bolter y a cay den greppel.
Eynn polis ta bin topa cu un Toyota Altezza color shinishi den e greppel. A atende cu e chauffeur di e Altezza, kende ta conda polis cu e tabata na caminda pa busca algo di come. Na e rotonde di Sasaki, e tabata bayendo direccion p’ariba ora cu na dado momento un auto desconoci a bay den su banda drechi straight riba dje.
E Altezza a purba para pa e otro auto no dal den dje, consecuentemente cu el a bay cay den e greppel banda di Eagle Bowling. Famianan a yega na e sitio pa mira si nan ser keri ta OK. Nan mes a pidi pa takelwagen bin na e sitio pa asina saca e auto for di e greppel. Ambulance tambe a presenta pa asina revisa e chauffeur di e Altezza, pero tur cos tabata bon y a bandona e sitio. Daño material causa na e Altezza ta considerabel.
