E ta e di dos studiante ciego cu a gradua na Universidad di Aruba. Claro, esaki ta demostra cu pa e studiante aki, e limitacion visual nunca a strob’e di persigui su soño. E no a nace ciego, sino reto di salud tabatin esaki como consecuencia. P’e, pa su tata, famia, amigonan, docentenan y studiantenan di Universidad di Aruba, tabata un momento di alegria, di un sentido di orguyo, di satisfaccion y aprecio pa e conviccion di Alexandra Geerman, cu desde awe ta un “bedrijfs econoom” gradua!
Cu lagrima na wowo, den un sala yena cu amigo, famia y representante di Parlamento di Aruba, Alexandra Geerman a gradici su donante di riñon pasobra e ta sinti cu sin dje, e logro aki no lo tabata posibel.
Un Alexandra Geerman completamente emociona a describi e presentacion di su tesis como ‘MASTER’. E ta haya cu su presentacion a bay bon y tambe e por a contesta tur e preguntanan cu el a haya, esaki door di su experiencia como un persona ciego. Cu un sonrisa el bisa: “No ta tur hende ta ‘team-player’. El a cuminsa Universidad di Aruba na 2010, e tempo ey ainda e tabatin e habilidad di por wak. Sinembargo na 2013 el a bira ciego y na 2014 el a termina cu su ‘Propedeuse’ despues a sigui pa e siguiente fase cual ta Accounting and Finance. Pa e relato completo lesa TREMPAN
