Diamars atardi alrededor di 5:30 pm dos unidad di brandweer a presenta cu urgencia na Aeropuerto Internacional Reina Beatrix pa atende cu un supuesto candela. Na nan yegada, a topa cu un airco cu a kima y a saca hopi huma.
A atende cu e situacion mesora. Den algun minuut despues di atende cu e airco kima, operacion di aeropuerto por a sigui sin ningun probloma. Adicional, ta un rato prome cu e airco a kima cu aeropuerto a informa cu e coriente no ta stabiel.
No ta conoci si esaki ta e motibo cu e airco a kima.
