ORANJESTAD, Aruba – September 25: Aruba Hotel & Tourism Association (AHATA) den colaboracion cu Bureau Rampenbestrijding Aruba (BRA) a organisa e entrenamento di “Crisis Management Planner” pa su miembronan. E training di dos dia, facilita pa expertonan den maneho di calamidad di BRA, a duna 52 participante di diferente compania e oportunidad pa desaroya e habilidadnan critico cu ta necesario pa nabega un posibel calamidad.
![](https://24ora.com/wp-content/uploads/2023/09/7693e22b-3d73-4a4e-9845-b7b83f557443.jpg)
E programa di e entrenamento a enfoca riba con pa identifica reaccion, capacidad di recuperacion, escasez di recurso y con pa alinea e Plan di Operacion di Emergencia (EOP) di un compania cu e Plan Nacional di Emergencia di Aruba. E entrenamento a ricibi reaccion positivo y a entrega un certificacion na tur participante despues di a completa e sesionnan. Cu e entrenamento aki AHATA ta brinda su miembronan guia y apoyo pa sa maneha y recupera efectivamente di cualkier crisis y ta aporta na e siguridad di turistanan y tur trahado den e sector di
hospitalidad y turismo den un caso di emergencia.
![](https://24ora.com/wp-content/uploads/2023/09/c284e326-e075-439f-bfbe-905f87eafdb2.jpg)
![](https://24ora.com/wp-content/uploads/2023/09/7693e22b-3d73-4a4e-9845-b7b83f557443.jpg)
![](https://24ora.com/wp-content/uploads/2023/09/ba7ec705-69a6-4f4c-95f6-03aa49117881.jpg)
![](https://24ora.com/wp-content/uploads/2023/09/e5629edd-97c4-4004-9b39-5f8ee0b320d1.jpg)
AHATA ta gradici Humphrey Gomez y Rino Hermans di BRA pa e training extenso y La Cabana Beach Resort & Casino pa facilita nan ballroom pa e sesionnan di entrenamento.