Dialuna atardi a tuma luga un caso serio di maltrato y destruccion na Savaneta. Esaki a sosode alrededor di 5:40 pm caminda cu a pidi presencia di polis y ambulance cu urgencia.
Na yegada di polis, a topa cu un mama bou lagrima indicando cu un yiu homber a lanta cu ne y un tanta den cas y kibra diferente articulo y causa un destruccion grandi den cas. Enter otro a kibra television, auto para den garashi y auto pafo di cura.
Tambe tin di bisa cu lastimamente, e yiu a causa daño fisico na e tanta, el a keda seriamente herida na su nek. Despues di a maltrata e famia, e yiu homber a bandona sitio. Ambulance a presenta y a hiba e tanta hospital pa atencion medico avansa. E caso ta den man di autoridad.
