Departamento di Duana Aruba ta pidi biaheronan cu ta preparando pa biaha pa tene cuenta cu e tarea secundario di Duana, delega door di otro departamentonan gubernamental manera Directie Volksgezondheid of DTI. Dor cu Duana ta na frontera, ta controla tur mercancia cu importa, of cu ta pasa transito of exporta pa cuida interes di pais Aruba riba tereno di siguridad, salubridad, economia y medio ambiente.
Ehempelnan hopi comun ta si un pasahero kier trece remedi, Duana ta controla si tin un permiso valido di importacion pa esaki, pa evita cuta distribui remedinan of suplementonan cu no ta sigur riba nos isla. Pa cierto articulonan electronico ta rekeri di un permiso di importacion for di DTZ por ehempel pa drones y aparatonan di telecomunicacion.
Alabes ta corda biaheronan cu pa ley ta prohibi pa importa carni of productonan traha di carni for di Sur America y America Central. Solamente ta permiti pa importa carni for di Slachthuizen certifica di Merca y Europa.
Si durante control Duana constata cu tin mercancianan cu ta prohibi pa ley, lo confisca nan inmediatamente y por resulta den un multa of hasta detencion. Ta bon pa e biahero corda cu Duana tey pa cumpli cu ley pa yuda cuida bienestar di cada ciudadano di Aruba.
