Den temporada di compras pa fin di aña tin un obstaculo grandi pa e clientenan cu ta bishita caya grandi, cu ta e molester di adicotnan ambulante cu te dia di awe ta un problematica sin solucion.
Diamars den careda di 5:20PM, polis a presenta na dilanti establecimento di “Victorias Secret” den caya grandi unda cu un adicto ambulante tabata drumi “passed out” riba e banki dilanti di e luga.
Ademas di ta mahos pa publico, e ta un preocupacion di por mira hende den estado asina serio den adiccion. Comerciantenan den cercania a purba di comunica y apela na dje pa e bandona e sitio pero envano.
Polis na sitio tambe a purba di comunica pero no a logra, como cu e persona no ta ni hisa cara wak, no ta scucha niun hende rond di dje y no por a logra di move di sitio. Ta sospecha cu el a consumi un candidad halto di alcohol.
No a keda nada otro cu, detene e persona aki y transport’e pa warda di polis.
