Diadomingo marduga den careda di 4:30am polis a presenta na Athlete’s Foot caminda cu adictonan ambulante mester a kibra e porta di e luga y bay shop parti paden sin paga.
Security a presenta mirando cu e alarma a bay on y a bin mira cu e porta di e luga ta basha abou. A bati alarma mesora na e doño, kende a presenta y a bay check paden kico nan por a bay cu ne. A resulta cu a bay cu un cantidad di keds.
Un alerta ta bay pa tur hende cu haya oferta di keds na prijs di baca flaco, pa tene cuenta cu esaki por ta procedente di e robo aki.
Ta pidi pa gobierno haci algo pa cu e adictonan ambulante mirando cu ta un sla hopi duro pa comercio den caya. Polis a tuma dato di e sucedido.