Diaranson awo ta Dia Internacional di Hende Muhe y sigur ta un dia di celebra. Centro di Bario Playa Pabao ta activo cu hopi actividad y sigur no ta keda sin organisa riba e dia special aki pa nos hende muhe.
Ruthy “Lady Ruth” Vrieswijk-Bergen ta organisado di un evento cu lo tuma luga n’e Centro di Bario. El a indica cu e dia aki lo ta uno bunita, cu e habitantenan di bario ta invita. Lo bay tin grupo di bario di Centro di Bario mes. Lo bay tin poeta entre otro Omaira Britten, Ariana Koolman-Chirino.
E orador principal p’e anochi aki lo ta un dama hopi importante ora ta trata pertenencia y herencia, cu ta den persona di Rodriguez-Taekema, kende ta notario. E lo hiba su charla tocante herencia, testament, etc. E anochi lo cuminsa di 7:00 pa 9:00 pm.
