E korpsviering a continua dialuna cu un otro actividad di competencia. E team di POI (Politie Opleiding) a gana e actividad di futbol.
Denrick Lopez, studiante di Scol di Polis, a splica cu esaki ta prome biaha cu nan ta hunga hunto, pasobra normalmente na scol nan ta competi contra otro. Dialuna tabata prome biaha cu nan a hunga cu otro y a bay bon. E prome wega nan a haya un tiki complicacion, unda cu mester a conoce e hungadonan, pero e di dos y tres wega a bay bon pa asina yega final.
Nan siguiente wega ta softball y nan tin hungado di softball. Nan ta bin pa diberti, pero ta laga nan wega dicidi con leu nan ta yega.
David Leer, presidente di comision di Korpsviering, tabata contento cu e resultado y un biaha mas un otro actividad a bay bon. Un biaha mas e coleganan a bini pa wak y participa den e weganan.
E competencia tabata feroz, por a mira bon wega di bon calidad. Tur districto a competi contra otro y e competencia tabata uno bon.
Pa mas lesa TREMPAN.COM.
