Diadomingo FAVI a tene su di 8 actividad Walk with a vision. Segun Charlene Marchena, guia di actividad na FAVI y tambe coordinadora di Walk with a Vision hunto cu su comision, a comenta cu e caminata tabata hopi grandi.
E acogida di benta di ticket a duplica di loke nan sa haci tur aña. Esey ta loke nan kier a gradici na e comunidad di Aruba, cu a sostene Walk with a Vision pa asina engrandece e caminata y mustra cu ainda e gana di gana tey y e gana di yuda fundacionnan tambe tey.
Mas actividad di FAVI
Pa e aña aki tin un dia di concientisacion cu ta bay ta dia 15 di October, cual nan ta dedica na loke ta e concientisacion di comunidad riba e Garoti Blanco y Strepi Cora cu ta algo hopi importante. Danki na esey, si cada un di nos respeta e garoti blanco y strepi cora y ta pone atencion na dje, mas siguridad nos clientenan tin di bay riba caya y tambe forma parti di e comunidad. E integracion social, cu loke FAVI ta boga pe. Tambe nan tin nan Dinner in the Dark cu ta bay bin e aña aki ainda. Tambe lo tin Art in the Dark pa mucha, pa asina mustra muchanan kico ta biba cerca un mucha cu ta ciego. Hopi biaha bo ta bay scol y bo por topa cu den klas bo tin mucha ciego y con esaki ta biba cerca nan y pa nan tambe siña un tiki di esaki.
No ta solamente pa conoce un persona cu limitacion di bista, pero pa cualkier mayor cu ta desea pa nan yiunan concientisa nan mes kico esaki ta hunga un rol y ta haci un impacto den nan bida, pa siña respeta e garoti y siña respeta un persona cu limitacion di bista. E ta un actividad hopi importante pa muchanan. Banda di esaki Dinner in the Dark, cu ta un evento pa hende grandi, caminda cu bo por bin tene un cena totalmente den scur, segun Marchena.
