Tabata alrededor di 11:00 pm cu un pickup marca Nissan color shinishi a dal den un baki di sushi di hero den Caya Papa Juan Pablo. Tur cos ta mustra cu e chauffeur no a paga tino riba bak’i sushi y a bay claba den dje.
Daño material tabata basta, mas bien na parti dilanti di vehiculo. Ningun persona a resulta herida. Polis a presenta p’asina documenta e accidente aki. Mirando cu e vehiculo no por a move riba su propio forsa, a pidi un takelwagen.
