Diasabra mainta trempan a sosode un accidente basta fuerte riba e caminda principal pa San Nicolas. Esaki tabata banda di New Food Center den Bernhardstraat. Un chauffeur cu un Ignis a causa e accidente y parce e no tin seguro tampoco. Pesey a avisa Polis di trafico pa presenta na e sitio.
E chauffeur cu a causa e accidente a kita den man robes bayendo direccion pabou y dal den dos auto di direccion contrario. E Tucson blanco a kita robes despues di e impacto y zwaai bay dal den palo di lus. Hopi daño a keda na e auto. Pa motibo di e impacto e trahador di Kia a keda na pia. E tabata caminda pa trabou. No ta conoci kico a sosode exactamente cu e chauffeur di e Ignis a causa e accidente. Takelwagen a ser avisa pa asina hala e autonan. E Tucson di e trahado di Kia a keda hopi kibra y hasta e wiel di patras e keda tur destrui. Elmar su personal a ser avisa tambe. E sonido fuerte di e impacto a lanta varios bisiña y pone nan core bin afo wak kico a sosode.
