Diasabra atardi a sosode un accidente entre dos auto. Polis a wordo manda den direccion di ex veld di Nacional. E melding tabata bisa cu tin heridonan leve. Ora cu Polis a yega na e sitio a topa cu personal di seguro. A tende tambe cu algun mucha cu tabata den e V-Wagen envolvi a bay na un apartamento of hotel cu tin cerca na Noord. Nan a spanta masha hopi mes. E accidente a sosode entre e V-Wagen maneha pa famia turista y un auto maneha pa un dama local. E dama local ta coriendo cu e auto di su ruman cu ta cu vakantie na Australia. E turista tabata bin di Noord bayendo zuid. El a pasa Lings Restaurant y a pasa e sero yegando e birada cu poco velocidad. Den e birada e auto a slip bahando e sero. E chauffeur a bay mucho den robez cu e auto y asina a bay dal den e trafico di direccion contrario. E impacto tabata fuerte y danjo material tabata hopi. Personal di ambulance cu a yega no a haya esnan herida. Pesey mes nan a bandona e sitio despues. A haya solamente e chauffeurnan cu no tabata herida. Mas bien tur hende a pasa den un susto. Polis a investiga hunto cu esnan di seguro. Mester haci algo si cu e sero y bahada banda di ex veld di Nacional. Mester cobra e asphalt pa e bira grof. Asina ta evita cu autonan por slip. No ta prome accidente cu a pasa.
