Diasabra anochi alrededor di 11:25 pm a sosode un accidente fuerte riba Sasakiweg. Ta na e rotonde di Sasaki, poco pariba di hospital. E autonan envolvi ta un Audi color preto numera A-68645 y un Kia modelo Sportage numera A-49052 color bruin. A combersa cu ambos chauffeur, esun di e Sportage kiermen cu e Audi a alcans’e ora e tabata riba rotonde caba.
E chauffeur di e Audi ta conta un version completamente diferente. Daño material tabata basta, e impacto tabata asina fuerte cu airbag di e Audi a sali por completo. E front di Audi a keda completamente destrui, e windshiel ta den mesun direccion. Mientras na e Kia Sportage e daño tabata minimo.
Pasahero di e Audi a resulta levemente herida. Ambulance a presenta pa check un cu e otro cu e victima na sitio. Un rato despues polis di trafico a presenta pa documenta e accidente.