Diahuebs merdia practicamente na mes momento cu un otro asistencia na Rotonde di Paradera ta sosode un accidente frontal na Jaburibari. Na altura di Tesco Hardware Store.
Un auto KIA Sportage bayendo direccion noord a haci lo posibel pa evita di pega tras di un vehiculo cu pa un of otro motibo lo a bira di sorpresa. E decision aki no a resulta faborabel, na momento cu a desvia el a bin encontra cu auto di direccion contrario cu impacto frontal.
Ta trata di un auto KIA Flatbed cu lo ta vehiculo uza pa carga tools / ekipo di trabou cu a ricibi e impacto aki. Na sitio testigonan a bisa cu e chauffeur di e KIA Flatbed a baha y bandona sitio lagando tur e ekipo atras na accidente. Algun rato despues e Tata di e persona envolvi den accidente a presenta na sitio pa informa cu su yiu lo a yega tur spanta riba dje pa avisa cu e ta envolvi den un accidente.
Ambulance tambe tabata presente y a controla chauffeur di un di e autonan cu tabata kehando di dolor.
