Poco prome cu 10:00 am por a scucha un zonido duro riba crusada di L.G. Smith Boulevard y Maria Christinastraat, unda cu un accidente a tuma luga.
E vehiculonan, cada uno biniendo di banda contrario, a dal frontal den otro. Manera por mira riba e potretnan, e daño material ta basta grandi.
Solamente un ocupante tabata sinti su mes malo y a pone den ambulance pa paramediconan atende cu ne. A causa di e accidente aki, Polis di trafico a cera e ruta, cu ta pasa dilanti Cas Ceremonial di Gobernador, pa haci nan investigacion.
E accidente aki a tuma luga momento cu e trafico tabata basta pega cu auto.
