Un accidente a sosode diahuebs mainta trempan entre dos vehiculo y un aparato motorisa. Tabata diahuebs mainta alrededor di 7.30 cu a sosode un accident ora un Toyota Stationwagen a dal tras di un brommer. E aparato aki a sigui y bay dal den un Kia Rio color cora.
E motociclista a haya basta sla y e brommer a keda totallos. Ambulance a presenta na sitio pa atende cu ne y hib’e hospital pa asina haya cuido necesario.
E ora cu e accidente aki a sosode a causa un stancamento for di trafico bayendo direccion di Playa. Tanto Green Corridor, Barcadera y e caminda di Santa Cruz tabata sumamente pega pa casi un ora largo. Banda di esaki tabatin hopi azeta cu a keda riba caminda, pa cual mester a pidi pa tira santo pa chupa e azeta.
