E hecho cu el a accidenta y bandona sitio riba su mes ta un acto castigabel pa ley. Diadomingo anochi alrededor di 8:20 pm polis a presenta na altura di Tanki Leendert 203-D p’un accidente. Habitante nan a bati alarma cu un auto a dal den palo di luz.
Na yegada di polis, a bin topa cu un bumper cu plach’i number na dje pero no tabatin ningun vehiculo na sitio. E palo di luz tambe a ricibi daño, pero despues di accidenta a bandona sitio.
Polis a cuminsa cu un buskeda den e area pero no a topa cu e chauffeur di e autoi, segun informacion; ta trata di un Chevrolet color preto.
E plachi number ta numera A-36855. Polis di trafico a presenta na sitio pa cuminsa cu e parti investigativo mientras cu personal di Elmar tabata atende cu e palo di luz.
