Diasabra den careda di 2:54 am polis a presenta riba e caminda di Santa Cruz net prome cu yega veld di ex-Winston pa un accident entre un Mitsubishi Lancer preto y un Nisan Almera color blanco. Ambos auto tabata bayendo nan destino y un di e autonan no a keda na su banda di caminda. E chauffeur a hala su auto otro banda di caminda y bay dal den trafico contrario.
Polis a presenta na e sitio pa atende cu e accidente y tuma declaracion di e chauffeurnan. Na momento cu nan tabata bezig cu nan investigacion, a ripara cu un homber tabata bou influencia di un substancia. Di biaha a bay over na deten’e y hib’e warda di polis.
Un ser femenino cu tabata den e Nissan blanco tabata keha di dolor y di biaha a pidi asistencia di ambulance. Na yegada di ambulance, di biaha e paramediconan a cuminsa atende cu e persona. Ambos auto a ricibi daño material.
