Awe a yega na Isla Margarita, estado Nueva Esparta, e crucero Amadea cu 498 turista Europeo. Durante dia nan a disfruta dje beachnan, espacio historico, e gastronomia y otro atraccion dje isla Venezolano.
E bishitantenan tabata ricibi den Puerto Internacional El Guamache p’e Minister di Turismo Ali Padron, hunto e Minister di Transporte Ramon Velasquez; autoridad Bolivariano di Puertos (Bolipuerto), Corpotour, alcalde di diferente municipio dje estado, diputado di Asamblea Nacional, operador turistico, artesano y cultor neoespartano.
“Nos a cuminsa e aña feliz, ricibiendo e crucero aki cu 498 turista den su mayoria Aleman. A kibra e celofan di sancion y medida coercitiva. Tabata un esfuerso den team hunto cu tur alcalde, e gobernacion, Forsa Armada Nacional Bolivariano y henter pueblo di Nuevo Esparta cu awe a ricibi cu alegria e prome crucero di hopi cu lo bin”, Padron a expresa durante e ricibimento dje turistanan.
Aña pasa Camara di Comercio di La Vela di Coro a anuncia dje yegada di e barco. A papia riba un apertura di forma gradual. E barco aki su siguiente stop ta na Boneiro dia 4 proximo, mientras dia 5 e ta ancra na waf di Aruba.
