Polis a bay pura diamars marduga na un oficina den Caya Punta Brabo. Esaki ta net pazuid di Dr Horacio Oduber Hospital. Security Tabata pidi presencia di Polis cu urgencia.
Ora cu Polisnan di Playa a yega eynan a resulta cu kier a drenta horta den oficina cu ta pertenece na e HR Departament di Hospital. Esaki ta keda na rand pafo di e cura di Hospital. Polis a atende cu e caso y a mira cu a kibra glas di un porta. E intencion tabata pa drenta horta pero esaki no a logra. El a keda na un intent.
Awor esnan concerni tin cu laga drenta e porta cu a keda kibra. Durante dia nan lo atende cu esey. No sa si camera di seguridad eybanda a logra capta e imagennan di e lardon durante su bishita.
