Na Noord a horta un brommer diamars. Tin un ladronicia di brommer ultimamente den distrito di Noord. Algun dia pasa tabata den Palm Beach a horta scooter. E doño a keda busca su scooter y a bin haye medio desmantela. Ta hobennan di Cas di Pueblo na Noord a horta e scooter. Esun horta diamars tabata na Noord y un brommer tipo motocross a bay cune. Diaranson e doño tabata core den San Nicolas y a bin topa cu un brommer mescos cu esun horta.
A yama Polis y sigui e brommer. A keda su tras te na Anker entrada di Colony unda Polis a para e brommer. A papia cu e manehador. A papia cu e homber y el a prueba Polis cu ta su brommer. E brommer no ta horta. Despues di tuma datos e motociclista por a keda cu e brommer. Parce e no tabata tin rijbewijs valido pa core brommer. Finalmente e doño mester sigui busca su brommer pasobra esun cu Polis a para no ta di dje pero similar.
